کبھی خود کے لیے جیا ہے ؟
نہیں کبھی بھی نہیں۔
کیوں پگلی ؟
کیونکہ مجھے خود کے لیے جینا ہی نہیں آتا ۔اللّه پاک نے میری فطرت ہی ایسی بنائی ہے کہ میں دوسروں کو خوش رکھنے کی تگ و دو کرتی رہتی ہوں ۔
تو پھر کیا یہ دنیا کے لوگ تم سے خوش ہوتے ہیں ؟
نہیں ،کبھی نہیں ہوئے خوش ۔
تو پھر کیوں ہلكان کرتی ہو خود کو دوسروں کے لیے ؟
کوئی بات نہیں میرا اللّه تو دیکھ رہا ہے نا میری دوسروں کے لیے محبت ،میری مخلصی کی کوشش ۔
کوئی تم سے تمہارے جیسی محبت تو کرتا نہیں ،سبھی تو نظر انداز کرتے ہیں ۔کسی کو تمہاری فکر نہیں ،تو کیا فائدہ تمہاری وفاداری کا ؟
گہری خاموشی ۔۔۔۔۔۔۔
تم اتنا زیادہ کیوں بولتی ہو ؟ کیوں ہنستی رہتی ہو سب کے ساتھ ؟
میں سوچتی ہوں شاید میرا یہ بچپنا کسی کو یاد رہ جائے ، میرے بعد میرے لیے کوئی بخشش کی دعا ہی کردے ۔
لوگ تمہارے منہ پر کہ دیتے ہیں کہ تنگ آگئے ہیں تم سے ۔ہم بہت بدل گئے ہیں ۔ تمہاری خاطر خود کی نہیں بدل سکتے ۔ تم پھر بھی ان کے ساتھ پہلے جیسی محبت کیوں کرتی ہو ؟
ان کی خوشی کے لیے ، کیونکہ میں انہیں اداس نہیں دیکھ سکتی ، چاہے میری اداسی سے انہیں کوئی فرق نہ پڑے ۔
تم ہر بات کیسے برداشت کرلیتی ہو ؟ تم میں انا کیوں نہیں ہے ؟ تم کسی سے بدلہ کیوں نہیں لیتی ؟
میری عزت نفس بہت پیاری ہے مجھے ، لیکن میں اللّه سے ڈرتی ہوں ۔ وه اتنے بڑے بڑے گنہگاروں کو معاف کردیتا ہے تو میں کیا چیز ہوں جو بدلہ لوں ۔
اففففف۔۔۔۔۔۔بہت عجیب لڑکی ہو تم ۔
جی ، میں ہوں ۔
تمھیں کوئی نہیں سمجھ سکتا ۔
ہاں واقعی مجھے اللّه کے سوا کوئی نہیں سمجھ سکتا ۔ 💔🙂
Follow Shagufta chaudary to stay updated on their latest posts!