Baskadia

 Ang mga Tsokolateng Burol (Chocolate Hills) o ang mga "karamelo", ay isang anyong lupa sa Bohol, Pilipinas. Mayroon tinatayang 1,260 mga burol subalit maaaring nasa 1,776 ang mga burol ang nakakalat sa kabuuang lupa na 50 square kilometre. Nababalot ng mga luntiang damo ang burol at nagiging kulay tsokolate kapag tag-araw, kaya naging Tsokolateng Burol ang pangalan nito. Sikat na atraksiyon ang mga Tsokolateng Burol sa Bohol. Tampok ang mga ito sa panlalawigang watawat at sagisag ng lalawigan ng Bohol na sumasagisag nang mayamang likas na yaman ng lalawigan.

Batid ng Department of Environment and Natural Resources (DENR) at Department of Tourism (DOT) ang tungkol sa kontrobersiyal na resort ngayon sa Chocolate Hills sa Bohol. Katunayan, naglabas umano ng temporarily closure order ang DENR laban sa resort noong September 2023. Sa inilabas na pahayag ng DENR, sinabing ipinatigil nito ang operasyon ng resort noong Setyembre dahil sa pag-operate ng walang kaukulang permit. Nakasaad sa pahayag na inatasan ng Office of the Central Visayas regional executive director ang Provincial Environment and Natural Resources Officer (PENRO) Paquito Melicor na suriin ang pasilidad kung sumunod ito sa iniutos alinsunod sa temporary closure order. "In the case of Captain's Peak Resort, the DENR issued a Temporary Closure Order last September 6, 2023, and a Notice of Violation to the project proponent last January 22, 2024 for operating without an (environmental clearance certificate)," ayon sa DENR.

Umani ng batikos mula sa netizens ang resort nang mag-viral ang mga larawan at video nito sa social media na itinayo sa lugar na idineklarang protected area na kinikilala ng United Nations Educational, Scientific and Cultural Organization (UNESCO). Makikita sa social media pages ng Captain's Peak Garden and Resort na mayroon itong swimming pool, slides, cabanas, at signature heart-shaped landmark, na napapaligiran ng mga burol.

Nakasaad sa Facebook nito, ang pagpapakilala sa Captain's Peak Garden and Resort bilang, "tourist destination located in the midst of the toweringthe [sic] chocolate hills in the area. It is located at Libertad Norte, Sagbayan, Bohol. You can see the closer look of the scenic chocolate hills." Kinikilala ng UNESCO ang Chocolate Hills Natural Monument bilang bahagi ng World Heritage List.

Reference/s :

https://www.worldheritagesite.org/tentative/id/5024

https://www.gmanetwork.com/news/balitambayan/balita/900454/denr-dot-alam-ang-tungkol-sa-resort-sa-chocolate-hills/story/