1मण लगै  बीज का,  5 मण का फूकैगा  डीजल और औजार !
5 मण लगै  DAP  यूरिया, 2 मण दवाई कीड़ेमार !!
माह पौ का जाड़ा तू लावे पानी,  यो सोवै  सै संसार !
5 मण यो डाक्टर लेज्यागा जै  पड़ज्या तू बीमार!!
5 मण कि आवै किस्त KCC की,  5 मण छोड़ै  कोनी साहूकार !
1मण पै गिद्ध नजर बीमा कम्पनी की, 1मण पै पटवारी और तसीलदार !!
ईब 2 मण लेज्या यो  ताऊ खट्टर,  5 मण  तेरे  लगै  कटाई !
1 मण डूम मिरासी भाई  नै चाहिए,  5 मण लागैगी  कढ़ाई !!
1मण लेज्यां साधु फ़क़ीर, 2 मण खाज्यां  ये आढ़ती !
1मण गऊशाला  मैं खावे गऊ माता,  1 मण खावेंगे  जिन्दोर !!
तैनै  समझाऊ सूं, भड़क कै नै मत  करिये किसे तै तकरार !
नहीं तो 2 मण बचे सै उसनै  लेज्यागा थानेदार !!
ना ज्यादा राजी हो मेरे पिया , तेरे पल्ले के घंटा पड़न देंगे !
खामखां मारै  सै मँड़ासा, तन्ने के ये सहजे जी लेण  देंगे!!
#विकलपचार