Baskadia

11th March 2024

Hmmmm...

Good evening dear gentle reader.... I hope your day was cool.

Stress wan finish my life today, added with my machine frustrating me and putting my work to a halt for almost an hour.

One whole hour, wasted for this world wey time no get time.

Devil sha get power.

Coupled with the fact that something of 50 yards i bought three weeks ago at warri for 2500 is sold here for 5000 naira

Just imagine the conconbility.

Its well sha, i go survive, my time never reach to go see my grandfather.

Talking about my grandfather....

Everybody here just dey use e name dey call me.

"Akperegin"....

The thing just dey sweet me one kind, e dey totori me.

He lived a good life sha and made a good name from what I can tell from the stories multiple souls have told.

Its a pity he was stabbed which led to his sudden death, else by this time we for dey gist.

Chaiiii.... its even more sad that i couldn't get to see him.

Pale, why you no just wait make them born me before you leggo?

Na just few months be remain ooo.

Its around 20 years now and this your grandpikin don turn man.

Anyhow sha, where we come from, death is not the end.

But just wait ooo, story go tire you.

How i wear your clothes now and they fit me perfectly, how i took your face and stature sotey i no need introduction before them go know say i be your progeny.

Wo, till then...

Now, i just lie down ontop tiles dey look up.

Heat and mosquito wan kill person.

Hunger wan wound me, but na only #50 naira gum me like this.

Foodstuffs don travel leave me.

Its well sha, all na part of being a man, abi nau?

I lie down de look up, i for say i dey count ceiling, but unfortunately, na POP dey my house, so i no fit count.

Phone don low, and i can't even be patient for it to be boosted by this powerbank.

Talking of boosted, e don tey for this life wey i drink lucosade boost ooo.

E still dey this country?

Anyhow sha, i go carry dry garri and oil chop tonight.

I for bear hungry and say "if i perish, i perish", but omo i shall not perish YET.

Them say garri and oil na one my grandfather best food that time, so at least let me carry on his legacy.

Its well, even in the well.

Fowl wey dem thief e pikin today go lay egg tomorrow.

But life na dice sha, you dey plan, life dey plan you.

In fact, fowl wey dem thief e pikin today fit don barren and no go fit lay another egg tomorrow.

I end my speech.

Goodnight and sleep well.

Make i flex my carbohydrates and oil.